Por defender os intereses dos veciños da Parroquia de Mos o noso veciño, Jorge F., está citado a declarar no Xulgado de O Porriño a raíz dunha denuncia presentada contra él por Ramón L., Ramón B. e J. Carlos C.

Os denunciantes, na Asemblea Informativa do día 1 de Febreiro, víronse enfrontados a máis de 250 veciños que lles pedían insistentemente a dimisión por non decir a verdade, por falta de transparencia na xestión e por querer entregarlle o noso Pazo ao Concello con engaños.

Cabreados por non conseguir entregar o Pazo, algo polo que teñen un extraño e enorme interés, tomaron a Jorge como obxeto das súas represalias.

Dende o Movemento Pola Defensa do Pazo manisfestamos públicamente a nosa repulsa a esta maneira  de obrar, impropia entre veciños, e manifestamos tamén o noso apoio incondicional a Jorge, pois Jorge somos todos.

Movemento Pola Defensa do Pazo

O venres 16 de xaneiro de 2009 fixemos a primeira manifestación no Pazo de Mos con motivo da reunión que a Comunidade de Montes tiña convocada para ás 20:30 h. e onde non só, como asociación integrante da Fundación, se ía falar do tema da "suposta proposta" do novo equipo de Goberno municipal para instalarse no Pazo, senón que ademais, os membros directivos deberían posicionarse a favor ou en contra, (dicimos "suposta proposta" porque como a mesma alcaldesa dixo, ela sempre entendeu que dende a Fundación se lle facía tal ofrecemento e incluso foran algúns membros da mesma quen lle solicitaban unha reunión). O final, gañou por maioría que a Comunidade de Montes non sería favorable a este "suposto ofrecemento".

A continuación desta primeira reunión, tocaba debater o mesmo tema no Patronato da Fundación Pazo de Mos. Era de esperar entón que aqueles membros da Comunidade de Montes, que representan a dita entidade na Fundación, fosen coherentes coa decisión anteriormente tomada, pero non foi así. Estes dous membros alegaron que alí non representaban a ninguén máis que a eles mesmos, e isto sumado a que na Asociación de Veciños Sta. Baia nunca falaran do tema, foi o que bloqueou unha continuación do debate pospoñéndoo para máis adiante.

Era a primeira vez que tomabamos esta medida de presión popular, e serviunos para:

1º Desenmascarar ós principais promotores deste tema, que se estaba facendo de costas ós veciños e a moitos dos membros e representantes da Comunidade de Montes, Asociación de Veciños, do Círculo e da mesma Fundación .

2º Démonos conta de que temos un grande respaldo dos veciños porque a pesares de que a convocatoria da manifestación non foi moi difundida, o boca a boca fixo que moitos veciños se interesasen polo que está a acontecer e nos mostrasen o seu apoio.

3º Agora, sabemos que as nosas sospeitas eran certas, e quedou claro o  interés persoal do Presidente da Fundación en traer o Concello para Mos sexa onde sexa. Agora que meteu a parroquia na discordia, cando estabamos todos tranquilos e orgullosos de ter por fin un lugar fermoso onde estar todos...,  imos seguir a loita porque non podemos permitir que nos arrebaten, unha vez máis, un anaco da nosa identidade.

Grazas a todos os que nos apoiades.

1. Como veciños que somos desta parroquia, queremos que o concello sexa devolto ó emprazamento do que foi roubado no ano 1935.

2. Estas negociacións estanse facendo de costas ós veciños, ocultando información.

3. Creemos que este tema no que non existe consenso entre os membros das distintas xuntas directivas, se debería consultar primeiro cos veciños, xa que estes son os únicos propietarios do Pazo.

4. Non estamos dispostos a que a ubicación do Concello sexa no Pazo, polos seguintes motivos:

- O Pazo foi doado ós veciños da parroquia de Mos no 1982 “para actividades recreativas, sociais e culturais non incluíndo calquera outra finalidade”. (Certificado de Cesión Nº OK5525131) E ademais, faise constar que no caso de pasar a mans do Concello, por extinción da actual Asociación de Veciños, este estaría obrigado a destinalo ós mesmos fins.

- Dende que se nos devolveu o Pazo ós veciños no ano 2000, acordamos nas distintas asembleas, investir os recursos do monte na súa rehabilitación porque sempre se nos dixo que o seu uso sería destinalo a actividades culturais e sociais, así como para sede das distintas asociacións parroquiais coa ilusión de ter por fin un edificio digno que tódolos veciños sentísemos como a nosa segunda casa.

- Non nos gustaría que un edificio tan nobre se converta nun edificio administrativo, e que as súas históricas paredes que hoxe acollen actividades para uso e disfrute de tódolos veciños sendo así un espazo aberto, se convertan nun espazo pechado ó veciños, de frías dependencias municipais e co paso restrinxindo a grande parte do edificio.

5. Despois de todos estes anos de espera, agora que por fin está rematado e estamos empezando a disfrutar del, non queremos volver ó comezo.

E como dicíamos antes, este escrito é o primeiro movemento que tivemos a ben tomar para frear unha decisión que podería dividir a parroquia, agora que debería estar unida baixo o teito deste Pazo. Por iso pedimos que este problema remate xa. Porque queremos que Mos recupere a súa capitalidade pero non a costa do enfrontamento dos veciños.

Mos, 15 de xaneiro de 2009.